يوم الفرقة
يامعتاه نهار كي راجت لخبار
قال عميرة راح سافر خلاها
اشيبي خليتنا شاو المشوار
وسهيلة ويناه بعدك باباها
تبكي لمشومة الليل مع النهار
وش يطفي نار فرقة داداها
بعدك اعمار سمطت ذيك الدار
مايزهى محال بعدك من جاها
ويحك فطيمة على مافينا صار
كي راح لي شيد البيت بناها
كل اركان البيت تلقى ياعمار
لماير في كل ركنة تلقاها
وش من نوم يجي بعدك احيدار
وش من زهو يعود بعدك مولاها
يوم الفرقة مر يامعتاه نهار
طعم العلقم والحدج ماتصلاها
وبكي الاهليات ثقب ذيك النار
زوجة واخواتات لبنات معاها
اضيمي حسيت قلبي في زيار
والكبدة من الصهد ضمرت مقواها
لوما خوف الله قمت بالانتحار
يكفينا سنين رانا عشناها
لكن امر الله صاحب القرار
ناشيء الأرواح هو سواها
نطلبوك بجاه النبي المخطار
كافي ذا المرحوم بجنة يرضاها.
ساعد لطرشي الجلفة الجزائر
ليست هناك تعليقات:
إرسال تعليق