ووحشاني ويا حِلمي
وراسِمِلك كمان صوره
وليه غَبتى كتير عَني
وليه زَعلانه كده مني ومَقهوره
وبحلم بيكِ ليه لسه
وأنا فاكر إن إحنا خلاص
وليه لِسه لَمَسِتك مكانها جِراح
وليه فاكر
ومش ناسى إللى كان مِنك
وليه جرحي بينزف ولا هَمك
وإنتِ قبل قولتيلي كفايه جراح
وليه مش عايزه تنسيني
وبِتِجيني فى كل منام
وإنتِ قبل قولتيلي خلاص إرتاح
وليه جَرحك خلاص طاب
ومن جرحى بِتجدد جراح وجراح
وليه هَمك بينده ليه وهاممني
وأنا همى ياخد مني
وليه قلبى إللى خدتيه
مخاصمني عشان نِستيه
وبايخه حكايتي أنا وإنتِ
وبايخ إننا عارفين
لا أنا بنسى ولابتنسي
وبِنمثل إننا نَاسين
شعر
على أبو السعود
ليست هناك تعليقات:
إرسال تعليق