♕ معنى الإنسان ♕ بقلم الشاعر : السيد محمد

 بقلمى / السيد محمد 

  ( معنى الإنسان )

تعرف أيه معنى الإنسان..

هو أنه يكون فى قلبه موده ،،

وأنه يكون فى قلبه حنان..

عايش لغيره ومعاه خيره ،، 

بينشر فرحه فى كل مكان..

بيجبر خاطر وبيخاطر بعمره ،،

وبيرفع أزمه من غلبان ..

بيروى الورد من أجل المحبه ،،

بيرسم السعاده فى البستان ..

وفى قلب الصحراء بيزرع خضره ،،

هتبقى جنه مع مرور الزمان ..

وبأيد الفرح بيجنى البسمه ،،

بيقدم ضحكه عشان تكون فرحان..

تعرف أيه معنى الإنسان ؟

هو اللى بيمحى معنى الخوف ،

وبيخليك تعيش فى آمان..

تسلم من شره وشر قرينه ،

ما بيسمع وسواس شيطان ..

تشرب من كفه كاس العشق ،

بمتعه وشوق وفكر سرحان..

تعرف أيه معنى الإنسان؟

الإنسان مخلوق إنسان ..

أخلاق وشهامه ومبدأ وكيان ..

نبع أصيل ومبادئ ثابته ،، 

لا يمكن تتغير مع الزمان ..

تعرف أيه معنى الإنسان؟

الإنسان هو اللى يقدر ،

وبيحترم مشاعر الإنسان ..

بقلم / السيد محمد