و ماتسبنيش!!!
أعيش ف الوهم والحيره
وتوعد ياما وما بتوفيش
وقلبي يدوب من الغيره
وأتمنى ٠٠٠٠٠٠٠٠٠مايسألنبش
حبيبك فين؟؟؟؟؟؟؟؟؟؟؟؟
مالوش لا حس ولا سيره
أداري الدمع ف عيوني
واكدب ف الهوي ظنوني
أقول له ٠٠٠٠٠٠حبيبي نساي
ده خد بعضه وزمانه جاي
واديني لسه بستناه
بكل الشوق بنادي هواه
بخاف إنه يروح ويغيب
ماهي عادته إنه مابيوفيش
بشوفه ف وسط ناسه غريب
ساعات ينسى ومايكلمنيش
وأقول لو ناوي بعادنا يطول
٠٠٠٠٠٠٠٠٠٠٠٠٠٠٠٠٠٠ماكنت تقول
بلاش قلبي يبات مشغول
ياريتك كنت خدته معاك
وعن نفسي ح اصبرها
٠٠٠٠٠٠٠٠٠٠٠٠٠٠٠٠٠٠٠و ح استناك
لكن أملي إن ماتسبنيش
سيد الحلواني
ليست هناك تعليقات:
إرسال تعليق