« المقتول الحي »
أنا المقتول الحي
أنا اللي نصيبه ماله زي
شايل همومي على كتافي
وماشي في الدنيا بعاني
لعمري مرة أشتكيت لحد حالي
ولاقلت لحد أيه إللي جرالي
خدعوني وخنوني كل أحبابي
والخير اللي عملته قلبوه شر ضدي
وكتبوا عليه في كل حضور غيابي
وطلبوا مني أقفل عليا بابي
وسرقوا فرحة عيني
حتى غاروا من محبة الناس ليه
وفيها حربوني وحجبوني
ومن حساباتهم رموني
وعمرهم مقدروني
حتى الحنية سلبوها مني
وقالوا موت بالحي
وعشت المقتول الحي
اللي بيتفرجوا عليه ونفسهم
أوي يشمتوا فيه
لكن ربي معي ولسه مقويني
وخيب ظنهم ودايماً معي
لحين يحين عمري وأجلي
ملعونه كل القلوب القاسية
اللي تنسى الرحمه والإنسانية
كلام الحي المقتول
بقلم /عاطف محمود «مصر»
ليست هناك تعليقات:
إرسال تعليق