مع إن..... كلمات عــــــــــــــــادل داود.
مع إن واقف ف سكتى جن والدماغ بتون أنا............صامد
مع إن القلوب ليا مش بتحن وكبر السن أنا.............. حامد
مع إن.ف عذابى ناس بتفن متحمل كتير و............. جامد
مع إن حمولى الف طن لله حامد وشاكر و.............. عابد
مع إن جروحى بتئن صابر والزمن عليا................... شاهد
مع إن.ــــــــــــــــــــــــــــــــــــــــــــــــــ
مع إن القلم من غير سن هكتب على اللى ساقوهلنا ساده
مع إن الحاقد بيشن عليا حرب بلا رحمة صابر و.... بزياده
مع إن.دبابير بتزن وقلوب بتضن بحب وكلى........ سعادة
مع إن. الحمام مش ف البن طاير بالشوق حبى بلا هواده
مع إن. ــــــــــــــــــــــــــــــــــــــــــــــــــ
مع إن أجراس الخطر بترن وسط الريح واقف مش خايف
مع إن فيه قلوب بتكن لياالحب كتير كارهين وانا....عارف
مع إن فيا بتظن العالِم بالقلوب ربنا ربنا هو اللى..... شايف
مع إن ديما فيه لكن انا على اوتار الأمل بفن وأكبر..عازف
مع إن.ــــــــــــــــــــــــــــــــــــــــــــــــ
قالوا كتير عنى كنت ببكى فاكرنى بغنى ليا همه ظالمين
ومع إنى من صغر سنى مظلوم انا من عباد الله الطيبين
بنسى واسامح أجرى واصالح بيهنونى ديمامعايا غدارين
متوكل على ربى يزيل كربى من دربى ربى رب العالمين
كلماتــــــــــــــــــــــــــــــــــــــــــــــى
الشاعر
عــــــــــــــــــــــــــــــــــــــــادل داود
ليست هناك تعليقات:
إرسال تعليق