مغشوشة وبتغدر الأيام
وتشيل منا الأحلام
وتعاقب وتخاصم ونسامح
تشترى فينا وتبيع
واسيه وبتخون
وعلى كل لون
تاخد منا ماتدينا
تتوه معالمنا وخطاوينا
شوف خدت منا كتير أحباب
وفرقت أحباب وأصحاب
الباقي ذكريات بنعيش ليها
الخطوة بنعمل ليها حساب
نفوس بتتغير وتخلى العقل يتحيير
ياريت ماكبرنا وفضلت صغيير
ندوس على الأشواك
الصبر يوصلنا هناك
نفتح للعمر طريق الحياة
لأجل مانوصل لمنتهاه
نبعد عن قولة آه
ونفوز بالحب والنجاة
يادنيا كل ما فيكى
غدر وهجر وخصام
وعذاب وملام
ليه الاسوة علينا
والراحة مش بأيدينا
نبنى ونعمر لأجل السعادة
وتسعدينا ونشوف السعادة
فى كل مكان حوالينا
لكل الأحباب ولينا
ارجوكى طمنينا
مصيرنا أيه معاكى
مغشوشة الأيام وبتغدر
*بقلمي
#احمد_الكمنورى
ليست هناك تعليقات:
إرسال تعليق