ماليش فى الحب ...
ماليش فى الحب سوابق
ممضية من الأحزان
ولا ليا فى بيبى وحياتى
وكلامه و قلنا. وقال
ومين هان وهنت انا ليه
ومين كان وهجرت انا ليه
ماليش فى الحب سوابق
ممضية من الاحزان
ولا دمع حرقلى الخد
ولا هان وهنت بجد
الحب يابنت الناس
مش ملك ولا فيلا
الحب بجد. جميل
ومحتاجله. مظله
ولو فاهماه بجد صحيح
يبقى ترتاحى. فى ضله
ماليش فى الحب سوابق
ممضيه من. الاحزان
ولادمعه حرقلى الخد
وسهرت. ليالى مابنام
الحب لو. تعيشيه
وتتغطى بهيامه وحنانه
مكنش الدمع حرقلك خد
ولا ليلك. بقالك صعب
من الوحدة. والاحزان
ماليش فى الحب سوابق
ممضية من الاحزان
عرفت كتير وكتير
حسيتهم من غير تغيير
لاطعم ولا لون ولا ملامح
شوية رتوش ومصالح
وقال فى الحب دول ايه
واحاسيسهم وكمان أيه
وبيتوهوا فى كلام وغزل
وتعابير واشواق وعسل
وتدورى على مضمونهم
تلاقيهم عقد وشلة غزل
ناقصين. فايتين الدنيا
فاهمين عاملين من طين
بيشوفوا اللوك جديد
وملامح. سوبر مان
وتقطيع وسبور وبرفان
واو وجنان
ماليش فى الحب سوابق
ممضية من الاحزان
لا بعرف خطوة هجر
ولابعرف طريق للدمع
ولا بخطى لكسر خواطر
ولا ليا فى جذب وصد
عاوز تحبنى حب بس بجد
عاوز تعرفنى أفهمنى
قبليها بجد
حسسنى بوجودك
وارسملى قبلها حدودك
ومتاخدش حبى لحظة
خليه وياك اعمار
لوجاى وناوى تروح
خليك مكانك روح
لو جاى تقضى ساعات
انا حبى حب سنين
ماليش فى الهجر سوابق
ممضية من الاحزان
مش هاديلك مشاعرى
غير اما احسك جد
ولو جدك أنا جدك
راح أملكك انا بقلبك
واسرق كمان عقلك
واكمل معاك دربك
لو دربك كان كله شوك
الحب والغيرة هايكون
لقصرى وأميرة
ماليش فى الهجر سوابق
ممضية من الأحزان
ولا دمع حرقلى الخد
وسهرت ليالى مابنام
الحب يابنت القلب
له شنة ورنة كما الخلخال
الحب يابنت القلب
يتحس يتلمس ماينقال
ولو عا القول سهل و سهل
انما الحب فعل والفعل
يدوم على طول
ماليش فى الحب سوابق
ممضية من الأحزان
جيت اقولك النهاردة
انى شارى وبالود ناوى
املك فيك مااملك
ؤاحبك كسابقة اولى
واشهد قاضى الغرام
أنك حكمى المخفف
ماليش فى الحب سوابق
ممضية من الاحزان
ولا ليا مزاج فى الحزن
ولا ناوى أعاند الدنيا
حبينى بتفكيرك
واحساسك
حبينى بكل حواسك
وارسمى دنيتنا سوى
وامليها طرب وغنا
وعيشى على انغام
تفاصيلى
وارقصى ولاوعى وميلى
بس متنسيش دايما
ماليش فى الحب سوابق
ممضية من الاحزان
ماليش فى الحب ...
شاعر الجنوب
د.حمادة سعد
ليست هناك تعليقات:
إرسال تعليق