قسمتك
يا بنية أجبروكِ
من دون رغبتك
ما قالوا ليكِ
أدينا راي من كلمتك
عملوا الدايرانو فيكِ
وغيّرو مسار وجهتك
*****************
وما لقيتي البساعدك
وإقيف معاكِ في محنتك
خلوكِ للنار والعذاب
تبكي وتسيل دمعتك
وضاعت أحلامك المرادك
تعيشي فيها جنتك
*****************
ومجبورة ومشيتي في سكة
أبداً ما كانت سكتك
ومصيرك أرضي بيه
ما تتأثري بوجعتك
ما تفيد أحزانك
ما الدنيا تسرق بسمتك
*****************
وأنسي وأرضي بالواقع
المكتوب ومقدر في قسمتك
واصلي مشوارك وما تهتمي
وأتقبلي بالمقسوم في دنيتك
وعيشي هنية ورضية
محترمة ومقدرة في غربتك
*********************
بقلم أمير عبدالرحيم الحضري
ليست هناك تعليقات:
إرسال تعليق