حداد
========
بقت العيشه سواد في سواد
حتى القهر بقى له عداد
لحمة إيه وفراخ إنسوها
بكره تزورنا في الأعياد
رز وعدس بخمسين واكتر
حتى الفول عملوا له مزاد
غول الغلا بهدلنا ياعالم
كال جتتنا بقينا رماد
قالوا هتتحسن تتحزن
والله وقعنا ف إيد عواد
يامستني الفرح يجيلك
شد لحافك وانسى ياواد
جاي رمضان والكل بيشكي
فاض الهم مشي له بلاد
الفوانيس والزينه أهي راحت
فاحت ريحة الموت ياولاد
التجار فجار م القسوه
نسيو الرحمه جشعهم زاد
بكره نموت م الجوع وارمونا
وسط الصحرا وقولوا شداد
رافضين ياكلوا الطوب بطمعهم
كحوا تراب من كتر الزاد
كله يكفن نفسه ويعلن
يوم الغدا مسبوق بحداد
=========
بقلمى سامح توكل ابوالسبح
ليست هناك تعليقات:
إرسال تعليق