.......شباب الترامدول.........
حبيتين تامول وشريط ترامدول
شباب ضايع ومبلول
ودا بيشم بدرة ودا شابو ودا مسطول
وشباب ببلوزة نازل
وشباب بحملات وشروال
وعلي الناصية دكان عم كمال
ماسك عصاية بيجري وراء العيال
وفي البلكونة واقفة ام جمال
رامية نصها علي الحبال
بتنده انتم فين يا عيال
عاوزة اجيب ملح من البدال
وشحط بيشحت ويقول هات عشرة ريال
وخبط ورزع عمال علي بطال
حارة حالتها عدم واهمال
فين شبابك يا مصر يا أم الابطال
فين حسن وعوض وعبدالعال
فين عمالك وفين العمال
فين المصانع فين المزارع فين المارشال
فين شبابك ياعرب فين زمن الابطال
الكل اتلها الكل بيتفرج من وراء الغربال
سايبين المرض ينخر عضم الاجيال
الوف ماتوا والباقي شمال
الوفات بتتصرف علي المزاج والنعال
وشباب ضايع وعاملين نفسهم ابطال
بكر الشويخ
ليست هناك تعليقات:
إرسال تعليق