موال الزمن
***********
يامضفر الموال جدايل عالنخيل العتيق
انفض تراب الأزل من فوق تاريخنا العريق
واحكي حكاوي لزمن حط السلام في مضيق
احكي وشد الأمل لحد اخر الطريق
وان يوم خذلنا الزمن تاريخنا منه برئ
واسمع معايا الكلام.
من جوه لحن جميل
تعزفه الآله...
تلقاني طالع في نسمة الأيالة
الفن غنوتي
وأوتاره شريان حياتي وانواره
باللحن طالع
باللحن راجع.
واسمع حكاييي الليلادي
ريشة حمامة..طوحها ريح
هات الحمامة بجناح جريح
باتت مانامت
والموج يطيح
هات الحمامة..هات يا ياسين
كل المباني..كل البناني
مكسيه توب اسود حزين
وان ربطوك ياليل وعصبوك بحزام
وان لفوا عليك السواد بكل لون ما حنام
وان جنزروك بسلاسل
وان حللوك بالحرام
مسير الفجر يدن
ولكل فجر ادان
الله اكبر..لا إله إلا الله
الله اكبر..لا إله إلا الله
هناك حدا الزراعية
مشيت صبية..ساعة مغربية
جنب شط الترعة تستني الادان
قام لقت ..نملة سوده خافت منها
جريت بعيد ..بعيد
قام لقت نفسها جوه بيت
جوة أوضة ضلمة سودها
بابها متربس حديد
فضلت تصرخ..وتجري
تجري من الجدارده للجدار ده
ومن الجدار ده للجدار ده
لقت تقب منه خيط من نور يقيد
بصت لقت طيف صلاح الدين
بعده جاها سعد باشا ويا طيف قاسم أمين
كلهم كانو حزاني
ليه..ليه حزاني..ياياسين
مش حزاني...مش حزاني
دول قلقانين..بكره ييجوا فرحانين
يوم فرحنا هتلقيهم معزومين
سنين وسنين كما السواقي تدور
سنين تودع يتيمة
وسنين تقطف زهور..
********************
محمد المصري
ليست هناك تعليقات:
إرسال تعليق