صالحت نفسي
عملت قلبي بؤجة
وصريت جواه الهموم
مخنوق بتنفس أهات
وصدري كمان مذموم
عشقت وعشقي خايب
والسما محوطاني غيوم
أفرح أخاف م الحسد
بداري شمعتي وكتوم
أشوف أخباري ع الفيس
مدونة يوم بيوم
العين رصداني زي الردار
وكل اللي ف حياتي بوم
باصين لحالتي وحياتي
وقلبي أسير مكلوم
رميت حمولي على الله
عَبد ومصيري محتوم
أفعالي مدونه ف سكوك
ومطنش الظالم وله يوم
أستنىٰ أيامي اللي جاية
وبكره مش معلوم
صالحت نفسي على نفسي
ودعيت إله قيوم
كلماتي:
الشاعر: حليم محمود أبوالعيلة
مصر
ليست هناك تعليقات:
إرسال تعليق