أجمل تحية وتقدير واجلال لأخي وصديقي
الفنان القدير م . د .// رأفت عبد السلام
الفنان التشكيلي الكبير
راسم هذه اللوحة المعبرة الراقية
فعلا فنان مبدع صاحب الريشة الناطقة
فعلا لوحة تعيش وتورث اعجاز فني روعة
ارق التحايا
( حرية إسم وزيف )
حرية إسم وزيف تمثال بدون قيمة
شعارات يادوب تخاريف مكتوبة في الغيمة
أساس مفيش معدوم ماهي شلة وعصابة
لص وحرامي جبان ماهي دنيا قلابة
قتلوا الهنود بالكوم والارض نهبوها
رسموا خريطة خوف للكون وأركانه
حذفوا التاريخ بالزور بماضيه وسكانه
خانق حمامة بأيد والتانية مدبوحة
بسلاح ودرع ودم بيعكر اللوحة
ناشر حروب وجحيم واصواتنا منبوحة
قطع وصالنا بغدر شراينا مجروحة
وسحابة سودا تحوم فوق السما الصافية
وصاروخ على ولادنا قطع رجول حافية
و ب وردة لون النار مكسية غدر ودم
شنطة وماليها دولار من خال وإبن وعم
ياللي الخيام أصلكم عواد يبيع الطين
غزة حماها الزمن نفديكي يافلسطين
سلطان خيال ع الورق سرقاهم السكين
شيطان وعمره ماغلب ع القدس متواعدين
للنجمة حارس خان ع الغزو متفقين
بركان مسيره يقوم من نيلنا للحرمين
ورقة زتون ع الشجر محفوره في قلوبنا
وإيدنا شايلة الحجر سجيل ده مكتوبنا
إبنك يا ضفة شهيد والجنة مقسومة
عريس كأنه ف عيد دي نهاية محسومة
والشال على كتفنا وراسنا وصدورنا
عمر الخسيس والندل بفلوسنا يقهرنا
فلينصرنا الله على كل غاصب غاشم
وكل خاين غادر
بقلم حر عربي//
عماد سيد
ليست هناك تعليقات:
إرسال تعليق