زياد وفيروز ( شو بَدّي قلّك )
اللهجة اللبنانية
بقلمي : سمير موسى الغزالي
شو بَدّي قلّك يا إمي شو بَدّي قلّك
جاني و وَصّاني إنقلّك شو بَدّي قلّك
رَوْضِكْ ومزنَّر بغناني يتغنّى بحسنك
آه شو بَدّي قلّك... ... ... لازمة
من فضلة خيرك ألحاني
روض اللّي بقلبك ربّاني
يا صوت الضّادِ الوجداني
والكل يحبك
آه شو بَدّي قلّك
خلف الشّبابيك المعمورة
حِنّيِّة صوتك والصّورة
والنّاس بصوتك مسحورة
وما حدا قدّك
آه شو بَدّي قلّك
كلّن ع المفرق ندهولي
إمَّك فيروز وسألوني
يتهنّى قلبَك هنّوني
يتهنّى قلبِك
آه شو بَدّي قلّك
يا إمي والرّوض مزنّر
بالورد وبالمرج الأخضر
وعطورو من مسك وعنبر
لا يحزن قلبك
آه شو بَدّي قلّك
بِقَلبِك كنتِ تلاقيني
بَدّي فِل وما تخَلّيني
وتداريني وتداويني
قَدَّيش بِحبِّك
آه شو بَدّي قلّك
قلب الإم اللّي بيتثمّر
لهفة وشوق وحب وسكّر
حضن الدّافي مهما نكبر
واللّه اشتقتلّك
آه شو بَدّي قلّك
صوتك بيروتي ولبناني
روضات العالم و غناني
و حنانك لحني و وجداني
من نغمة لحنك
آه شو بَدّي قلّك
الإثنين - 4 - 8 - 2025
ليست هناك تعليقات:
إرسال تعليق