....... العيب على مين...........
العيب علي مين فينا
العيب علي الزمان ولا علي اللي بيتعمل فينا
بنعيب عليك يازمن وبنرمي عليك بلاوينا
بنتحجج بظلم الزمن والحجة علينا
بنظلم بعضينا ونقول الميه ما بتروينا
تروي مين ولا مين يا زمن صحينا
ننام ونقوم ونحضر المخرز لبعضينا
زمان جدي قال لينا
اياك تلعن الزمن والزمن مش لينا
افعال البشر كرهت الحبيب فينا
وخلت خدام البشر تطلع العيب فينا
بعد ما كنا بندوس علي الدهب برجلينا
وفتحين بيبان الدار للي بيتمسح فينا
افعلنا سابقة كلامهم مهما كلفت علينا
مهما دار الزمن حا يفضلوا تحت رجلينا
ومش حنعتب علي الزمن حتي لو طلعوا القمر من خيرنا
أه يا زمن العجايب فرحت الواغش فينا
كنا بنرمي الجزم يلبسوها ويقولوا حلاوتها في رجلينا
استحلوا الحرام واكلوا السحت واحنا ابينا
خد رحتك يازمن وما تجبش اللوم علينا
ابدانهم فاضية من الحرام عبوها
وتركوا الحلال لينا وحوالينا
شكرا يا زمن خليت الواطي يظهر والشرف لينا
بكر الشويخ
ليست هناك تعليقات:
إرسال تعليق