حب و غرام.... ٣٧
معنى الرجولة
---------
بقلمي السيد عطاالله
كل شيئ في الدنيا جايز
شباب ما وصلوا العجايز
إللي يتمسك بالدين فايز
على كده تربينا من زمان
قالوا يا عم السيد خلاص
الله يرحمه زمن الإخلاص
الراجل بقى يشبه البلاص
ده زمن سيطرة النسوان
شفت راجل ما بيده حيلة
عايق بالعباية وكبير لعيلة
كان يلزمه م الجياد أصيلة
لو يبص لها يطيب لو عيان
راح يستظل بشجرة مايلة
متمسكة بدنيا كدابة زايلة
في البخل عظيمة و هايلة
ف وشها يستخبى شيطان
الرجال لهم أمارة و علامة
بنية ف الدنيا نالوا سلامة
لو فقراء يعيشوا بالكرامة
الراجل بسيط لكنه إنسان
كلمات السيد عطاالله
ليست هناك تعليقات:
إرسال تعليق