ياحسدنى على الضحكة
والوش متخبى
رب القلوب عالم ودارى
ايه مخبى
بضحك ومن تعبى
اتعودت ما اتكلمش
يا حسدنى علي الضحكه
مين من الهموم خالى
وحياة حبايبك روح
وسبنى انا فى حالى
خليك فى موالك
وانا ليا موالى
يعلم بحالى الله
مش ضحكة عين
يبقى الفرح معناه
صوت ضحكى العالى
دا مخبى مليون ااه
وراضى بميت دمعه
وقلوب كتير جنبى
ولا حاسه ولا سامعه
وسكوتى مش قوه
ولاكبر ولا تبرير
ده لانى من جوه
بصرخ بقالى كتير
بسكت عشان عشمان
يمر بيا الحال
بسكت كتير علشان
مش كل شىء يتقال
مين فى الحياة مرتاح
مين فيها مابإنش
كنت بهدى عشان
المركب بيا تمشى
بس اهى بردو بيا مايتعديش
دنيا واهى شالت فيا وحطت
اخدت منى الحلو وحلفت
انها تاخد ولا تردش
شفت عيونى كتير وهى بتضحك
ولما بتبكى ماتشوفنيش
رافض حتى ابان مهموم
والله غصب عنى
وجوايا وجع بالكوم
احساس انك عايش
وسط البشر مظلوم
احساس مؤلم عمل ذى وجع
بيعلم جوه الروح
جرحوا فيا كتير وانا اصلا
اكتر واحد دوقت جروح
ومش من طبعى احكى وابوح
ولا اوصف حالى واحوالى
سايب كل الخلق فى حالهم
بس ياريت يسبونى فى حالى
بقلمي د /محمد عبدالعزيز
ليست هناك تعليقات:
إرسال تعليق