شكون قال...
*****
توقف الرحا
بعدما عشنا الرخا ولهنا
ؤ كانت الأرض مسقية محبة
شكون قاااال...
في يوم من الأيام
يتزرع القحط في القلوب
ؤ نحصدو الحكرة
شكون قاااال...
تشعل نار اللهطة و الخطفة
ؤ بنادم ما بقى يفرق
بين اليوم وغذا...
هايم باغي يوصل
ما هامو شرف ولا نخوة....
شكون قاااااال.... ؟
نسى الدنيا فانية
و فضل يعيش حياته
حتى سلاط عليه البلا....
آيه... شكون قال.... ؟
رد بالك يا فلان
لا تطغى ؤ لا تقسى...
خليك عاقل...
لا تنسى.....!
مليكة بوبراهيمي
28/06/2020
ليست هناك تعليقات:
إرسال تعليق