امسيات الحسن . . 28/ 6/ 2020
( زقزقة عصافير )
بقلم الشاعر : حسن حلمى
********
عصفور ومال على
الغصون
يبنيله عش بقش
هبت رياح الهوا
كسرت جناحه الهش
كان نفسه يطول
القمر
ويعدي بينا بحور
يلمس جبال القلب
بس الجناح مكسور
واه من رياح الهوا
لما تميل علي الغصون
تكسر جناح عصفور
كان حلمه يبني العش
ويطير لفوق في السما
تنظر عيونه الوشوش
ليشوف بقلبه وليف
يسكن معاه في العش
ويكون له شمس وهوا
ويسقي بحنينه الدوا
ويميل عليه بالجناح
يحميله ضلعه الهش
اصل الضلوع من حنين
زي الغصون بتميل
تهدي الزهور بالندي
ليفوح عبير الورد
وتزقزق العصافير
فوق الشجر
وبحضن ضل القمر
تحضن جناحها
الضعيف
واه من دنيا العجب
لما تميل علي
الضعيف
ما يبني يوم العش
وتلاقي كل البشر
لابسه الوشوش
بالغش
خلص الكلام
يا ناس
بس الفؤاد مجروح
ومنين نجيب
الدوا
ليداوي كام مجروح
وعجبي
بقلم الشاعر : حسن حلمى
ليست هناك تعليقات:
إرسال تعليق