حوار الورقة وقلم ::
أنا الورقة يا قلم
بدون صفحتي البيضا
ما تعرف تكتب كلام
ولا بتقدر تُرسم علم
على صفحتي تُكتب رسايل
عن الحب والحال المايل
مني بتصنع الكُتب والدفاتر
مش ممكن عني تستغني
وما ليك مني مفر
أنا الورقة...
أحفظ التاريخ والسر
المستقبل على صفحتي كتبوه
و الأمل و السلام صنعوه
*****
يا ورقة ...
أنا القلم
مِن غَيري لا ليكِ قيمة
ولا عليكِ سيمة
مهمتك تستقبلي مدادي
في رحم صفحتك
وتحملي الكلمة والفكرة
وأنا اللي أكتب الكلمة والجملة
وما حدا عني يستعني
المؤرخ والأديب والشاعر
والفنان و الموسيقار والرسام
ولا حتى السياسي ولا الزجال
كلهم يحتاجوني بكُل الأحوال
فوهتي وفوهة البندقية صحاب
صحاب من زمان
دايماً ناصرين الحق والقضية
بالكلمة الصادقة القوية
وبالرصاصة لصدر العدو مدوية
*****
لكن يا ورقة ...
للحق ... والحق أقول
أنت ليكِ كثير من الأهمية
العلنية والمخفية
بدونك ما يكون لمدادي
و كتاباتي وجود ولا معنى
ولا فكرة معنية
ولا ينحفظ الخط ولا القول
نحن يا ورقة بنكمل بعضنا
ولا احد يقدر يستغني عن أحدنا
حطي ايدك بإيدي
وخلي وريدك يعانق وريدي
ونعلنها حرب على الظُلام
وعلى القتلة والإرهاب
ونغلق أمامهم الأبواب
وننصر قضايا المحبة
وحقوق المرأة و الإنسان
وننشر في كل الربوع
ننشر الحب
و السلام
د. عز الدين حسين أبو صفية،،،
ليست هناك تعليقات:
إرسال تعليق