////////+++ الكراب +++////////
هالما لله يالوليدات
والما ياك يعرف فين يبات
يالعطشان وتعالى حدايا
وصغاو لنواقسي هانايا
هذي المهنة بجلد العثروس
ومعيش بيها شلى نفوس
غير عذروني الوقث عيانة
هالدار تتسنا سيمانة
ما لله الما ياظمءان
ما لله الما ياعطشان
كسوتي حمرة وزرار نحاس
تارازة من دوم فوق الراس
وا من يخلص هذ لكريبة
مملوءة من ديك لعوينة
من جلد الماعز مصنوعة
ياك في كل مكان مشنوعة
بالشوق حاملها على لكثاف
ناقوسي لمعانو يتشاف
هذا حالو في كل مكان
لميهة نعمة ياانسان
باردة وتبرد الجوف
وتزول لعطش وبلى خوف
//////+++ بقلم صقر الحروف الزجال بوسبولة المحجوب +++//////
ليست هناك تعليقات:
إرسال تعليق