دي أول قصيدة أشارك بها مع حضراتكم
قصيدة بعنوان ( وصف أمى )
لما لسانى بيعجز عن وصف أمى
قُلت لنفسى ليه الكلام بيهرب منى
هو فين الكلام إل يقدر يعبر عن حبى ليكى يا أمى
هى فين المعانى إل توصف فضلك عليا يا أمى
مش كتير عليكى أى شئ حتى أنى أفديكى بدمى
من زمان وأنتى قادرة تتعبى وتشيلى همى
هى جنه تحت رجلك ثمن التضحية بعمرك
هى دعوة بس منك تفتح الأبواب يا أمى
النجاه فى الدنيا من شَرطُه طاعتك ورضاكى عنى يا أمى
والسعادة عندى ديماً وأنا نايم فى حِجر أمى
أمى مش محتاجه حاجة أمى مش عاوزه هدية
أمى عاوزه تشوفنى واقف زى نخلة صَلبه عاليه
أمى عيدك مش فى مارس أمى عيدك كل ثانية
أمى مش ناسى أقولك إن فضلك كتير عليا
النبى وصى عليكى ندخل الجنه برضاكى
أمك أمك ثم أمك ما فيه حد أقرب من أمك
حتى أهلك حتى نفسك حب فطرى يجرى فى دمك
لما يبقى عندك أم ،،، روح وبات عند رجليها
لما تبقى شايل هم ،،، أرض أمك وبوس إيديها
تلقى ربك يفرجها ديماً لأجل ما انت بتراضيها
هى فرصه وهى عايشه اغتنمها وروح راضيها
ضمة واحده من حضن أمي تسوى الدنيا ومافيها
بقلم
محمدعبدالوهاب العيوطي
ليست هناك تعليقات:
إرسال تعليق