قصيدة & مشكلتنا & بقلم الشاعر : علاء أحمد عبد النبي

 ...#مشكلتنا#...

     ******

كلمات/علاء أحمد عبدالنبي

         ************* 

  مشكلتنا يا حبيبي 

تقدر إنت تحلها...

إنك تبعد عن طريقي

وعن حياتي كلها...

وتسيبني في جراحي

أداويها...

علشان إنت السبب

فيها...

مش عارفين نوصل

لحلول..

ولا عارفين م الناس 

نداريها...

.....#مشكلتنا#.....

إن أنا  حبيتك  بجنون

إن أنا بعشق وإنت تخون

ولحبنا  أنا  كنت  بصون 

..وإنت عايشها بكل بساطة..

واخد راحتك في الملاغية 

 عمال تعرف ديا و ديا 

وبتنكر وبتحلف ليا

..إنها مش خصلة ولا عادة..

وتأكدلي  إن  إنت  حبيبي

وأنا قدرك وإنت إللى نصيبي

وفجأة  يطلع  كله  كلام

وبتعشق جرحي وتعذيبي 

فين بقى حبك 

يالي بتوعد... 

مش طالبة منك 

غير تبعد...

وتسيبني في جراحي

أداويها...

علشان إنت السبب

فيها...

مش عارفين نوصل

لحلول..

ولا عارفين م الناس 

نداريها...

.....#مشكلتنا#.....

إن أنا برجع أسامحك تاني

وبحن  لقلبك  يا  أناني 

وبقول مش ممكن تنساني

...ألاقيك طالع تاني بغلطة...

 مش حاسس إن أنا بغير 

وفي حبك ياما شوفت كتير

 أنا  برفض  أي  تفسير

...يالي كلامك كله أونطة....

  كنت  بصدق كل  كلامك

وأنا عامية في حبك وغرامك 

 بس خلاص دلوقت بشوف

و هتخسر  كل  أحلامك 

فين بقى حبك 

يالي بتوعد... 

مش طالبة منك 

غير تبعد...

وتسيبني في جراحي

أداويها...

علشان إنت السبب

فيها...

مش عارفين نوصل

لحلول..

ولا عارفين م الناس 

نداريها...

.....#مشكلتنا#......