بقلم: محمد دومو
(زجل مغربي)
علاش؟!
علاش هاذ لغدر والخراب؟
ما لقيت لتسويلتي جواب!
علاش الحرب نايضة؟
فبلاد لعرب ديما زاندة!
علاش هما يعيشوا هانيين؟
وحنا عليهم خدام دايمين!
واش سلمنا اومورنا ليهم؟
لي ما دار شان لراسو
من الغير لايتسنى الخير!
بالرطوبة والمحبة يديرو ليه
علاش ولدنا كيتيتم ولا كيموت؟
اش ذنب فالدنيا ما لقى القوت!
وعلاش وعلاش وعلاش؟..
يا عربي نوض بلا تعگاز
البارح العراق نزفت بالدم
وليبيا واليمن وسوريا هم
واليوم لبنان مشيعى الموات
واش مازال يا عربي ما بغيتي تفهم؟
فلسطين عنات كثير ومزال
والحل واضح، ولا محال؟!
علاش لغدر ولقتيلة فلعرب؟
لا جواب، لا حل وبلا ما تعجب!
الامور ولات واضحة، موت بالعز
ونوصيك يا عربي لا تموت بالذل!
ليست هناك تعليقات:
إرسال تعليق