همسات زجل..........( أوراق الذكريات)
بتذكر يوم الكنا بالحقلة عمنلعب متل العرسان
كنت متل غزالة ووجهك ضاوي متل البدر
قلتلك وقتا يا حلوة
.............
ردي شعراتك ردي وشوفيني الالماس
وخلي عيونك تسقيني من الخمرة كأس
بدي بوسة من شفافك وأيدي عالراس
واسمي واسمك ينكتبوا بسفر العشاق.
حبيتك وانت صغيرة والحب جنون
حبيتك وانت كبيرة وبعهدي ما بخون
ومن غير الممكن تحكي وتظني ظنون
سكنت بقلبي أميرة وشعلت الأشواق
نزلت معي لنغني وندبك عالفوار
لقينا الساحة مشغولة الزوار كتار
شاركنا وسمعنا ألحان الناية والمزمار
وشربنا كأس المحبة نحنا والزوار
جرجس لفلوف سورية
ليست هناك تعليقات:
إرسال تعليق