اتعلمت الحب
انا علمت القلب عشانك
نبضه بشوقه يروح لعينيكي
واتعلمت كمان في حنانك
كيف م اتعود نبضي يجيكي
عيني تدور فينه مكانك
روحي كمان تشتاق تلاقيكي
داير انا في بلاد الله
أروي الورد واقول محلاه
كله يقولي يا حول الله ... اظهري بقي ربنا يهديكي
اصل حبيبتي بتتقل حبه
مره تروح عني وتتخبى
مره تجيني بحبه كابه ... واقولها ربي في بعدي راعيكي
لجلك انا ألفت اغاني
واتعلمت في حبي معاني
كل حروفها تقول في جناني ... اكتر واحد قلبه شاريكي
شوفت في حبك الف أماره
وبان في النيه إنك محتاره
وعمر مابان منك في إشاره ... اه لو تخرجي وانا اوريكي
اتعلمت في لحظه هواكي
شوفتك سيبت القلب معاكي
ارجعي قلبي احتاج لدواكي ... ورحي بتحلف ترجع بيكي
سارح انا في بلاد جوال
قلبي يقولي عشقك دا خيال
روحي تقول ماانتاش ع البال وانا مش رجع غير في ايديكي
قلبي عشانك حابس روحه
نبضه بيشكي في حبك نوحه
وكل الجاين سوى بيروحوا ..وقلبي احتار في طريق معاليكي
ياسر مهدي عمرو
ليست هناك تعليقات:
إرسال تعليق