////////+++قالوا عليك +++////////
قالوا لي عليك يامعلم قوم
وشحال حيدتي عليك من لوم
اغرستي لبلاد شلى زهار
وشحال سقيتي من لشجار
ايام شهورة ياك وسنين
ياسقوة وشهدة دوك صالحين
علموك وعلمتي اجيال
مازال حاضر وعندي ف البال
كنا وكنتي وحنا ا صغار
وسواد الليل تغير نهار
ياك علمتي الجندي وطبيب
والقاضي شاعر وكل حبيب
كل من شد لقلم بمحبة
كل من هجر وغرامو ثربة
ياللي معلمني لقوافي
من حروفك نطفي لعوافي
ياك من علمك نشرب كيسان
وعذوبة من ديك الويدان
لحروف قدامك امسطرة
ونفاعة لا ماشي هدرة
شكرا من لعماق اسثادي
شكرا ياللي رفعتي بلادي
//////+++بقلم صقر الحروف الزجال بوسبولة المحجوب +++//////
ليست هناك تعليقات:
إرسال تعليق