اهداء الى روح عروس السماء
وحشتيني
تنام الناس وانا السهران اناديلك وحشتينى
اقيد لك نور قناديلك واهديلك ضيا عيني
يا فرحه عمري يا عمري يا روح الروح
وسبتينى وفوتيلي بقلبى جروح
وانا حيران
واقول يارب ثبتنى على الايمان
تقوي يقينى بالايمان وتهدينى
وعهد الله وحشتينى
-------------------
وحشتيني وانا والفرح متخاصمين
وحشتينى وانا والحزن متفقين
قالوا لى اصبر وقلت الصبر اجيبه منين؟!!؟
وانا عطشان
ونظره عطف من طرفك بترويني
ونار البعد تقتلنى وتحييني
وعهد الله وحشتيني
--------------------
وحشتيني وانا صابر علي البلوي
وهاعمل ايه؟؟
وانا لا حول ولا قوه
مشيئه الله هى الغالبه على القوه
وانا انسان
واقول يارب قدرني على النسيان
وتسدل صبر من عندك يواسيني
هاقولك ايه واعيد لك ايه؟
وحشتينى يابنت الايه
وعهدالله وحشتينى
وعهد الله وحشتينى
كلماتى صلاح سالم عروه
ليست هناك تعليقات:
إرسال تعليق