( رص الحروف ) :
رص الحروف معلمة
من غير ما بنفكر
يادوب بييجى القلم
ع الورقة بيسطر
دى موهبة م الاله
ربك وهبها لنا
مافيهاش لا عز وجاه
دى م الاله منه
الحرف لو كان رمال
فى ايدينا صار حنه
بنجيد فنون الارتجال
ونرص كالبنا
الحرف جنب الحرف
ينطق ويتغنى
رص الحروف مهنه
واحنا امتهناها
من غير جنيه ف جيبنا
لكن عشقناها
رص الحروف هندسة
خلص الكلام بيننا
مش منظرة ومريسة
ع الكلمة نتأنى
لا مجلة ولا جرنان
ولا ورقة ولا كراس
صدق اللى قالوا زمان
العلم جوه الراس
بقلمي الشاعر جمال زكي عينر
ليست هناك تعليقات:
إرسال تعليق