أغنية / شغلتينى يابنت الإيه ...!
***
من كلمات
الطبيب الشاعر المصرى/ د.محمد رزق
***
ومش عارف أقولك إيه
جمال الورد فوق خدك ،
شغلتينى يابنت الإيه
مَلَـكتى القلب مين أدك ؟!
صباح الحب ياصافية
وقلبك بالوداد بيبوح ،
سعادة قلبى بوجودك
وزاد الحزن من بُعـدِك ..
***
أنا بعدك باعيش أحزان
وعِشت الفرح فى الماضى
واشوف طيفك فى كل مكان
واقوله يسيبنى مش راضى
وباسمع صوته يندهلى
تعالَـى اطلبنى من أهلى
كنوز الدنيا تِـستاهلى
وجيبى م الكنوز فاضى ..!
***
حاجيلك رافع الراية
واشيلك جـوَّا نِـنّى العين ،
واجيب الدنيا ويايا
وكل الورد م البساتين ،
ويصفى الجو من تانى ،
واعوّض بيكى حرمانى ،
واضُـمّك بالحنان كله
ونسكن جنة العاشقين .
***
القلوب التى لاتعرف الحب قلوب ميتة ، فأحيوا قلوبكم بالحب تحلو لكم الحياة .
الطبيب الشاعر/ د.محمد رزق
***
ليست هناك تعليقات:
إرسال تعليق