_____________حفرة ما تشبه الحفاري___________
وسط الطريق دارو حفرة
حفرة ما تشبه الحفاري
وضعنا فيها ليهم شجرة
وخلينا سقاها ورعايتها للدراري
ظنينا بعد الشجرة يبدلو النظرة
ويسدو علينا كاع لحفاري
جاوبونا كثيرة فيكم الهضرة
وهذا حال الدنيا علينا ساري
كلاو فلوس الشعب هبرة
والطريق من رجليهم تعاني
هذي مني مجرد فكرة
خيوط الما من السما شلالي
غطات ديك الحفرة
وتعثرت بين الما والحفاري
تسنيت الاسعاف شداتني الصدمة
بت فالحفرة ليلي وزدت نهاري
شكون يحيد علينا هذا الورطة
وشكون كان سباب اسمو حماري
كلا اللحم ورمانا بالعظمة
ساوى النغمة ورقص وتاري
بانو يلا كنتو شان وهمة
وقيلونا من تقليز الحفاري
حفرة تولد حفرة
وحفرتنا ما تشبه الحفاري
.
.
.
حسن الدروي الصويرة
ليست هناك تعليقات:
إرسال تعليق