" سمك 🐋 - لبن 🍼- تمر هندى 🍺 "
( رِجْلة كيكى )
▪︎"رِجْلة كيكى" هى العقدة
▪︎هى الحل وأحلى مافيكى
▪︎"رِجْلة كيكى" لو نعملها
▪︎يهون الصعب ونفرح بيكى
▪︎لا انا مسطول ولاَّ بهرتل
▪︎ولاَّ بهيس ولا بلاغيكى
▪︎عين العقل وده اللى هيمنع
▪︎أي خسيس راح يشمت فيكى
▪︎هم وشايل،حالى ومايل
▪︎عاوز أفضفض دايما ليكى
▪︎لقمة عيشنا غالية علينا
▪︎بعنا هدومنا للروبابيكى
▪︎برضه ماهنش علينا شرفنا
▪︎وقفنا قصاد اللى يعريكى
▪︎عندى الحل بشرط نصلى
▪︎ع اللى هيشفع فينا وفيكى
▪︎رفع الدعم وجيب الفقرا
▪︎ماكنش الحل اللى هيرضيكى
▪︎ولاَّ ضرايب غربة أهلك
▪︎هيه الكنز اللى هيغنيكى
▪︎دولم كفوا إيديهم عنك
▪︎خفوا الحمل اللى بيشقيكى
▪︎حق ولادهم جوه بلادهم
▪︎بكره عرقهم راح يسقيكى
▪︎قلنا هنحفر تانى قنايا
▪︎تبقى البشرة لينا وليكى
▪︎رحت مساهم باللى معايا
▪︎كله،ده عيب أستخسر فيكى
▪︎قلبنا واحد شعب وشرطة
▪︎جيش وحكومة واللى قانيكى
▪︎وأوعى حرامى يسرق خيرك
▪︎تنسى ولادك ويسهيكى
▪︎"رِجْلة كيكى" هو (فساد)
▪︎جوه قلوبنا ومغطيكى
▪︎"رِجْلة كيكى" هو (الخوف)
▪︎مالى نفوسنا ومبكيكى
▪︎"رِجْلة كيكى" هو (شباب)
▪︎يلقى الفرصة ويوريكى
▪︎"رِجْلة كيكى" هو (ضمير)
▪︎عايز يصحى فينا وفيكى
♡ بكرة "الخير" هيزيل "الشر" ♡
♡ بكرة "الفرخة"🐥 هتقلب "ديكى" 🐓 ♡
عجبى!!!
(خالد فاروق)
ليست هناك تعليقات:
إرسال تعليق