فلاح كفر ابو معيط
راوي نكته ومن اول السطر....... محمد ابو الفتح
أنا المواطن فلان الفلاني فلاح على قد حالى من كفرأبومعيط
لحمي من طين البلد دي من خيرها وعلى خيرها انا اتربيت
لفيت أرضها من شرقها لغربها ومن بحــري لقبلي ما خليت
شفت العجايب شفت الغرايب وفي كل كــفر ومدينة انا لفيت
أعرف كتيرقوي عن أهلها وبكل أحزانها وفرحها أنا حسيت
شفت فقيرساكن فعشه وبيه ماسك منشه والـلي من غير بيت
شفت فلاحة بملاية وكل خلق له حكاية تتحكي في حـواديت
اللي معروف حكايته وعايش ياولداه في حيرته خلاني بكيت
اللي عايش في حاله قافل على نفسه داره ماشي جنب الحيط
وفيها اللي عايش فتوة وفاكرإن الــدنيا قوة وضرب بالنبابيت
ومشيت فكل حارة دخلت حي ووزارة وعن اللي شفته حكيت
وفتحت كراسة وكتبت نكته من أول السطرعن كل اللي شفت
فلان الفلاني.......
محمد ابو الفتح
ليست هناك تعليقات:
إرسال تعليق