رجل بلا ملامح (305)
....................
مشيت بدارى
من نفسي ..
وليه على بابه
قاللي إمشي
بقيت محرومه
من الفرحة
لا حاسه بزينه ولا طرحه
ده باقي أيام
لشوق موعود
وكل كياني مسك وعود
ليه سابني هجر فرحي
وطفى شموع
في ليل عمري
ولبسني فى هنايا السود
ودمعه عيني حيرانه
ليه فاتني وداس لورود
مصدقتش كلام الناس
وحتى عيوني والإحساس هجر قلبي
حبس روحي في صمت
الحيره والوسواس
مرآيه الحب مش عاميه
أنااللي جنيت على حالي
وسبت له قلبي
له ينداس ..
أشوف كدبه وأصدق له
وراضيه بحضنه وأقابله
أنا القاضي وأنا الجلاد
أنا اللي أخترت
أكون ضله ..
موت فيا إحساسي
دفن قلبي دفن روحي
بقيت ضحكه بلا نهايه
عمري لنفسي ما هسامح
دوست في شوكه
كان جارح
وقولت عليه
عطور وورود وشايفه
عيوبه وأغمض وأقول يمكن يجوز شبهه
لكن مش هو دي ملامح
وأخره كدبي على نفسي
قفل بابه من إمبارح ..
وعمري لنفسي
ما هسامح ..
بقلم .. صبري رسلان
ليست هناك تعليقات:
إرسال تعليق