(( كل الناس مجاريح ))
كل الناس مجاريح
تايهين في وسط الريح
والدنيا قاسية عليهم
وزمن غريب بصحيح ....
**********
الناس كلها مجروحة
وعايشة ف حيرة وتوهة
ولا حد ياخد بإيديهم
ولعتمة لياليها يزيح ....
***********
ياما فيهم كتير غلابة
وقلوبهم مليانة طيابة
ياخسارة الفقر كاويهم
والوضع دا مشي مريح ....
***********
الكل مغلوب على أمره
وعايش ذليل طول عمره
يا مين يقدر يشتريهم
ويبدل الأحزان تفاريح ....
***********
كبت وذل ومهانة
ومن العيشة الناس تعبانة
ولا حد سائل فيهم
وبقى لسان الكدب فصيح ....
***********
دنيا وأحوالها غريبة
مفيهاش حنان ولا طيبة
غير في الأحلام نلاقيهم
والظلم واضح وصريح ....
***********
وراح زمن الأحبة
كانوا للقلوب أطبة
ياما شوفنا من بعديهم
وسمعنا كلام قبيح ....
**********
كانوا بيحبوا بعض
ولا يفرق ما بينهم بُعد
والخير دايماً ماليهم
وحياتهم رضا وتسابيح ....
**********
كل الناس مجاريح
تايهين في وسط الريح
والدنيا قاسية عليهم
وزمن غريب بصحيح....
** كل الناس مجاريح **
بقلمي الشاعر/ وحيد محروس خليل/ مصر
ليست هناك تعليقات:
إرسال تعليق