ليه ياقطر غيرت سكتي ...
ليه حرمتني
من اهلي وناسي ودنيتي
وانا اللي قضبانك
من قوت عيالي
وعرق جبيني وهدمتي
سفري وياك بعيد
معرفش اني مش راجع تاني ...
ومحطتي كانت آخر حدود الحياه ...
خلاص معتش هشيل الهم من تاني
لأنا هتغرب ولا اعاني
هناك اكيد انا هرتاح ...
لكن مين يواسي من بعدي
عيون بتبكي كل مرة لما بتودعني ...
مين هيستر عرضي ويتمم جهاز بتي
مين هيعدي ويجبر بخاطر اختي
ومين قلبه قاسي بالخبر يخبر امي
ويقلها خلاص ابنك مات ورتاح
لاعاد هيتغرب تاني ولا يشوف اطراح
متبكيش يأمه في الجة انا هناك مستنيكي
أمآنا ياما ما تشقي توبك ....
دي دنيا فنيه متساوي دمعة من عناكي
زغرطي وحني اديكي انا هناك مستنيكي
علي شط نهر ميته بتجري تحت رجليكي
هناك انا مستنيكي هناك انا مستنيكي
✍️ع.م
ليست هناك تعليقات:
إرسال تعليق