صاب الألم قلبي
أنا قلت ليه الجراح
ماكفايه يانبضي
نفسي فى يوم أرتاح
ظل الألم يحبي
ينهش ومالو لقاح
كان فين ومتخبي
صار السكوت صاحبي
مالألم عمره ماباح
يشتد فى ليلي
يسهر معايا للصباح
الفكر ماسابني
على أمل فاتني وراح
فاتني ومش ذنبي
منايا أعيش سواح
وافوت أنا دربي
وأغزل توب الأفراح
وادعي كل حبايبي
وافتح فى قلبي براح
يومها يفوت ألمي
وتزول كل الجراح
واحقق كل أحلامي
بنور أمل وضاح
والفكر يخاصمني
وقلبي العليل يرتاح
(((أسامه جديانه)))
ليست هناك تعليقات:
إرسال تعليق