حلوه الايام
بقلم محمد تريكه تريكه
حلوه الايام لما تاخدنا
للجنه اللي بنحلم بيها
ونقابل ناس وبتوعدنا
اننا فعلا اغلي ماليها
..........................
ناس في قلوبنا ليها مكانه
عمر ماحست يوم باهانه
عشره عمر اكيد متصانه
كل حياتنا ملك ايديها
..............................
اللي يحبك اوعي تسيبه
علشان من جواه انسان
بص لميزته وبص لعيبه
وخلي عقلك زي ميزان
..............................
واللي يبيعك انساه وعيش
كانه ماجاش ولا شفته في يوم
اوعي تفكر زيه مافيش
انساه واوعي تعيش مهموم
.................................
ارسم حلمك عيش ايامك
تلقي الدنيا جميله بجد
خلي طريقك نور وسعاده
وماتعملش حساب لحد
تحياتي محمد تريكه تريكه
ليست هناك تعليقات:
إرسال تعليق