منين يجى النهار
من ديوان/القصيدة الأخيره
/حسام الدين صبرى
----------------------
ومنين يجى النهار...
ياليل غميق وطويل...
منين يجى انتصار...
واحنابطلنا عليل...
أيتام ورا أيتام
لاوطن ليهم ولاسبيل...
شهيد ورا شهيد...
من غزة ل قاناللخليل...
شمس الثورة مابتغيبش...
حتى فى الكفن طالعه...
ورا نور حجارتهاإحنابنمشى..
والدنيالاشايفه ولاسامعه
بيحلفناترابها مانسكتشى ..
وإحنا أخرنا الدعا والدمعه..
بتحلفنايعود نهارها...
وإحنا فى الليل تايهين مساطيل...
منين يجى النهار...
متحلفيناش إحنابايعين...
شايفين وعاملين مش شايفين...
لافيناثوار ولاجينلك شُهدا بالملايين...
علموناحكامنا
نكبر وراسنا فى الطين...
وإن القضيه خسرانه..
مهماتطول السنين..
واللى يجاهد يجاهد فى سره...
أو فى الجامع يرد أااااااامين...
قتلوا فيناعمرو وطارق...
وناصر وصلاح الدين..
شغلونابقضاياوهمية...
لعبوها عسكر الحرامية...
لأن القضية مش قضية..
يعقدوا القمة ويكسرو الغضب بكلمتين
قول ياكبير...
نحن نُندِد نحن نُدين...
متحليفناش بالنهار...
ميجبش الانتصار...
اللى اتعلم إزاى يعيش...
مهزوم ذليل...
منين يجى النهار....
إحناياغزة ليلناأطول من سوادك...
عايشين حداد أكتر مابتعيشى حدادك
مش بإيدينانسيناميعادك....
إحنانهارناإتقتل...
بإيدين تجار الليل....
إحنافعلالسه عرب...
بس مات ضميرنا ومات الغضب..
سلمنا العروسه عشان تُغتصب
وعملنامن الشرف قصص ومواويل...
القدس عيالها بتبنى قبور
واحنالسه واقفين فى طابور...
مستنين الميت يثور...
عشان الحى عاجز عليل....
منين يجى النهار
ليست هناك تعليقات:
إرسال تعليق