***** ليل الهوا *****
عايش بتحلم أو تموت
جوة المواجع و السكوت
فارد ضلوعك فى الفضا
بتطوف مع رياح الحنين
ترقص على لحن إنقضىَ
تسبق خطاك كل السنين
يا حلم متكعبل فى نبضة من القلوب
يرسم معانى الصبر على جدار الدروب
يا معصية فى العشق رافض يوم يتوب
هلت مطر شوقك مع رياح الشتا
لملمت موجة غرام متشتته
رعد و مطر غرق هواك
و البرق نور ليل سماك
شديت لحاف كل الآهات
سهران بتدفا بحبة ذكريات
طال السهر و النوم مجافى مخدتك
راكب فى قطر الفكر ناسي محطتك
و خلقت لحظة للُقا جوة الخيال
و بنيت قصور الفرح على أرض المحال
و صحيت على أول شعاع وقت الضحى
و الكون فراغ و كأن حلمك كان سراب
ما فضلش منه غير عشم وسط الضباب
بقلمى / أحلام عمرنا
ليست هناك تعليقات:
إرسال تعليق