( صانع الأحذية )
عم يا بتاع الجزم
صلحلي ده المركوب.
ده جلده كشف رجلي
وملاها خروم وثقوب.
ده حتى شاكاني
لطوب الأرض
و لعضمة العرقوب.
مع إني محافظه عليه
وانا عارفه إنه كله عيوب.
وصابره على وجعه
صبر النبي ايوب.
وياما خيطته ورقعته
حتى اسأل بقايا التوب.
وإياك تقول مينفعش
والنعل دايب دوب.
ومسمعش كلمة ده داب
و مليان خروم و ثقوب.
ما انا بخرج منه على طول
تقريبا شوال طوب.
لو كان معايه فلوس
كنت فارقته
وحدفته كمان بالطوب.
بس من فقري وغلبي
طلع الجيب كمان معيوب.
بقلم( أيمن نصر )
دمتم في رعاية الله
ليست هناك تعليقات:
إرسال تعليق