وارجع اكتبك تاني
كأني لسه بتعلم
واتذوق
واتجمل
واقول يمكن
تفهميني و تحسي
يمكن وردي يتكلم
كل ماانسي بتذكر
اشواقنا
مشاعرنا
حضن كان مجمعنا
دلوقتي مفرقنا
وياما الدنيا دوارة
نتلاقي
ونتشوق
نتجمل
نتشوق
نتغابي ...ونتحول
ونرجع تاني من الاول
نجرب كله من الاول
ونشحت تاني مشاعرنا
كأن الحس متسول
كل مااحس بحروفي
ارجع اكتبك تاني
كأن حروفي مخلوقه
رغم القسوة اللي ملياك
بيك حروفي تتجمل
وارجع احس بمرارة
بغباوة
بقساوة
احس بغربتي فيك
احس اليتم في حبك
ارجع افتكر غدرك
واتصبر
نفس احساسي بيك
بس الفرق متعكر
شيء جوانا اتكسر
تقليش القلب اتحجر
خير اللهم اجعله خير
والله ماانا عارف
حلمي ولا كابوسك
مين حلمه هيتفسر
ارجع اكتبك تاني
الاقي حروفي ندمانه
بتتألم وتتحسر
تقول اوعي تأمن ليها
تتوجع ...وتتعور
احمدعبدالحق
ليست هناك تعليقات:
إرسال تعليق