قصيدة ضي القمر للشاعر ابراهيم رمضان
لساك بتعشق ضي القمر
ولا القمر عاشقك
تنسج حكاوي العشق
وتشوفها في مرايتك
تتوه مع التايهين
ويضيع معاك حلمك
أنا حلمي كان اصغر
من الحواديت
في يوم طلعت القمر
سابني القمر غاب
وسجني في الحواديت
سابني
من غير بيبان ولا شبابيك
سابني مع الضلمه
و الضلمه من غير إذن
بتمسح الحواديت
تمسح غناوي الأمس
وتسيبلنا الحرقه
أنا حلمي ليه مشنوق
وف حضن القمر غربه
وبواب ولا المتاريس
شنقاني في العتمه
ليست هناك تعليقات:
إرسال تعليق