@ أقفل الباب @
اللي يدخل حياتنا ويخرج منها يقفل وراه الباب
علشان العيشه مش ناقصه نعاشر فيها كذاب
الناس عينهم علينا ومش عاملين لينا حساب
تصاحبني علشان مصلحه أقولك مع السلامه خد مني غياب
فاكرينا لما بنسامح ضعف منا مش فاهمين أن ده بالزوق عتاب
فهمنا الدنيا واللي يخرج مع الف سلامه يقفل وراه الباب
كنا أخدنا منكم أيه وانتم عاملين لينا أصحاب
غدر وفتنه ووقعيه وايام عليكم بدعواتنا هباب
أخرجوا من حياتنا عشان عنا بقيتم حقيقي أغراب
بالعند فيكم راح نصاحب عليكم أنفسنا نعيش أحباب
عشان سمعنا قصص وحكايات عن وفاء الكلاب
حتي في نباحها جرس أنذار من الأخطار من أي أغراب
لكن أنتم في وجهنا أبرياء وللأسف عاملين أحباب
وف ضهرنا خنجر راشق علي ايديكم شوفنا العذاب
بدون وداع أخرجوا من حياتنا كفايه عليكم كدا بس ياريت من وراكم نقفلوا الباب
راضي السقا
ليست هناك تعليقات:
إرسال تعليق