*** قصدك إيه ***
جاية تقولي قصدك إيه
شاغل بالي تملي ليه
وواخد قلبي وروحي معاك
وريني بر وأنا أرسى عليه
لو قاصد لعب وتسلية
وكلام حب ورومانسية
تبقى يا نن عيوني غلطان
أصل مليش ف السكة ديه
قصدى
لو صحيح بتحسي بيا
كنت عرفتي أنت اللي ليا
وكل منايا تكوني ويايا
ونعيش سوا أحلام وردية
قصدى
تبقي حياتي وروحي ونفسي
حلمي في بكره يودع أمسي
وتكون عينك شط سفينتي
وجوه رموشك مركبي ترسي
قصدى
تبقى حلالي وأبقى حلالك
وبيت يجمعنا بكل آمالك
وأغزل عمري توب الفرحة
وأحقق ليك كل أحلامك
قصدي
تبقي سكني وبيتي وداري
وتشيلي همي و كل أسراري
ومفيش لحظة تعكر بينا
ومفيش ليه وازاي ونداري
هو دا قصدي يا بنت الناس
حب وعشرة وكلي إخلاص
جاي لبيتك طالب إيدك
دي الأخلاق أغلى من الماس
***********************
بقلم / مصطفى كرم
ليست هناك تعليقات:
إرسال تعليق