قالوا الحب حاجة
بس مش زي الحاجات
هو حالة
بس حالة صاعبة جدا
احساس يشدك من سكات
نور ونار
مرة فرقة
ومرة حرقة
ومرة شوق وياه انتظار
ساعات شعور
وساعات فتور
ولما تدق الساعات
نشتهي كل اللي جي
نحن لكل اللي فات
هو حس مالوش مثيل
يوم جميل
قمر يتغزل في نجمة
حلم بيحلم بالمستحيل
شيء غريب
لما تحس حد
تحسه قريب
ولما تحسه بجد
عمرك ماتحسه غريب
ممكن سؤال
هو يادوب مجرد سؤال
هو الحب عادي
نقرب عادي
نتغرب برضو عادي
نقسي ساعات
ننسي ساعات
ولما تخلص الساعات
نروح ندور علي الذكريات
برضو عادي
هو الحب رغم مرارته
مرارة بشهد
رغم عذابه ..رغم قسوته
لازم نحس بشوكه
طول مااحنا حبين الورد
رغم سؤالي الدايم ليك
انا واثق متأكد
كل مابسأل
بيكون جوا سؤالي الرد
احمدعبدالحق
ليست هناك تعليقات:
إرسال تعليق