حلو الملامح.
بقلمي عبدالله رجب ابوعدنان
عندي ولد حلو الملامح ابيضاني
بيقولو سوري أو حتى تركماني
جة بعد خمس زهور
هوا الوحيد اللي أعياني
تعبت من كتر قوله يا ولد
جلدي م الزمن انجرح و انجلد
الدنيا قدامك براح
والأرض كلها ليك بلد
خليك فاكر شعري
ما تفتكرش ضعف بصري
الكلام الحلو يا ابني
ها تلاقية مكتوب على قبري
مفيش إرث فلوس واطيان
لكن مواعظ وأشعار جنان
تاخد عبرة تنفعك
أصل العبر ما تتقدر ب اتمان
جيتني بعد كبر سن
ضهري انحنى والفؤاد بيءن
يا إما تكون صالح
أو تتوة في دهاليز الزمن
اوعاك فاكر الشكل الحلو بيدوم
أو أنك تقدر تمسك النجوم
اخرة أبوك متر
اوعاك تكون مغرور و موهوم
خمس زهور من نصيبك
حمل تقيل لابد يصيبك
ارعاهم وخد بالك
اعرف عدوك من حبيبك
كل ما تلاقي نفسك زهقان
اتوضا وصلي وأقرأ القرآن
وشعري لو أمكن
تلاقي الدنيا تحت رجليك وانت ف أمان
حلو الملامح.. بقلمي عبدالله رجب ابوعدنان
ليست هناك تعليقات:
إرسال تعليق