أنا هاكسر كل قواعد الشعر
أنا هاكسر كل قواعد
الشعر وأوزانه
عارف هاتقولوا مجنون
وكمان عقله مش موزون
مش فارق
منا كاره كل حروف الجر
وكاره كل أفعال الشر
وكاره الكلمة المنصوبه
والدنيا صارت مقلوبة
وبقينا تايهيين
عايشين أشباه بني أدمين
وبمليون وش
وفي بعض نغش
فبلاها نكتب موزون
طالما الأخ لأخوه بيخون
طالما لازم واحد جارر
والتاني مجرور
واحد فاعل والباقي مفعول
أنا مش همي الشعر
ولا الأوزان
أنا همي الإنسان
لو مات جوانا الانسان
بإيه هاتفيدنا الأوزان
فاكتب في بحور الطيبة
وأرسم بسمة على وجوه
عايشة كئيبة
خلي الكلمة تخرج من قلبك
وتروح ماطرح ماطروح
هتلاقي الكلمة عشان صادقة
بتشفي جروح
وترجع تاني جوانا الإنسان
وساعتها هاغير رايي
وراح اكتب ع الأوزان
خواطر إنسان د /صبحي الامام
ليست هناك تعليقات:
إرسال تعليق