بنتعاهد
..............
زى نسمة صبح
بتملس على خدك
زى ضحكة بتصحى
الحنين جواك
زى موج البحر فى سكونه
زى لهفتى فى البعاد لهواك
قلبى راح للحنين والزكرى
يدخل يفتش على اللى
عدى وراح
ساعت ماشفتك
وانت بتصبر
ظنونى
قلبى ابتسم وارتاح
لساك بتقدر رغم البعاد
تعزفنى
لساك بتعرف لهفة عيون
القلب بتترجى
تمسح دموع الحيره
فى عيونى واتمنى
انا اللى كنت زمان
وياك
عالحلوه والمره
بنتعاهد نعيش سوي
احباب
على شحاته سليم
ليست هناك تعليقات:
إرسال تعليق